Laplaya Beach

احب اشاركم تجربتي مع فندق لابلايا بيتش ريزورت خمس نجوم رحلتي كانت من يوم 10/7/2018الي 14/7/2018 من اول الاستقبال الرسبشن بشوشين ومرحبين بيك ومشروب ترحيبي كأنك داخل عند اهلك الغرف كانت تمام نظيفة والفيو حمام سباحة وبحر وجبل والتكيف والثلاجة كانوا ثلج وتنظيف الغرف يوميا وزجاجة مياة لكل غرفه والفوط بتتغير وصابون وشاور كل يوم بصراحة كانت الغرف زي الفل المطعم اولا الاكل متنوع جداا حلو وحادق احب اشكر الشيف فؤاد ع احلي اكلات حادق واصناف مختلفة اكلتها هناك والشيف احمد الحلواني اللي كان بيعملي مخصوص كريب شيكولاته واصغر شيفين عبدالله ومروان كانوا بيعملوا احلي معكرونة بالصوص اما بقي حمادة ( بحر ) اشكره ع احلي كوباية نسكافية كنا بنبدأ بيها اليوم ولو عوزت اي حاجة كنت بقول بحرر مشروبات دي جي فوط البسين بجد حد محترم جدااا وخدوم جدا جدا والمشروبات سخن وساقع طول اليوم براحتك لحد 12بليل ع حمام السباحة والبحر والمطعم والبار اما الاسناكس فمكناش بنحتاج اصلا فمكنتش بدور عليه هو موجود من 4الي5ع حمام السباحة وطبعا اخص بالشكر المايسترو مستر جراح اللي دايما بيحل اي مشكلة من قبل ما تبدأ ولو محتاجين حاجة كان بيعملهالنا بصراحة الفريق كلة كان متعاون ع اسعادنا اما بخصوص الانيميشن فاللاسف كان ف اجازة ولكن ف اخر اليوم بيتجمع كل العاملين ف الرسبشن والمطبخ ويعملوا احلي جو ترفيهي وألعاب ودي جي مينا ومايكل وجوزيف وابانوب محسناش ان مفيش فريق كانوا بيحولوا يسعدونا بكل طاقتهم بجد المكان يستاهل اكتر من 5نجوم انا عملت فوتوسشن في الفندق كله عايز حد هاوي الهدوء والطبيعة هيرجع بكمية طاقة ايجابية مهولة لابلايا بيتش ريزورت ينقصة الدعاية والتسويق الجيد مكان مميز جدا محتاج دعاية اكتر انا بشكركم بجد انتوا اسعدتونا وفخورين بالاقامة لديكم كانوا خمس ايام في عالم السحر والجمال